ЭИК жана Кыргызстандын кесиптик бирликтер федерациясы кызматташуу жөнүндө макулдашууга кол коюшт

Документке ЭИКтин аткаруучу директору Аскар Сыдыков жана Кыргызстандын кесиптик бирликтер федерациясынын төрагасы Мурадил Жумадил уулу кол коюшту.Макулдашуу төмөнкү багыттар боюнча өз ара аракеттенүүнү карайт:

• эмгек жана иш менен камсыз кылуу чөйрөсүндөгү мыйзамдарды өркүндөтүү;
• эмгек укуктарын коргоо жана жоопкерчиликтүү бизнес жүргүзүүгө көмөктөшүү;
• жумуш орундарынын сапатын жогорулатуу жана формалдуу эмес иш менен камсыз кылууну кыскартуу;
• кесиптик стандарттарды жана квалификациялар системасын өнүктүрүү;
• эмгекти коргоону жана коопсуздукту жакшыртуу;
• эмгек мамилелерин санариптештирүүгө, автоматташтырууга жана иш менен камсыз кылуунун жаңы формаларына ыңгайлаштыруу;
• жамааттык-келишимдик жөнгө салууну жана мүмкүнчүлүктөрдүн теңдигин өнүктүрүү;
• эмгек рыногу боюнча биргелешкен изилдөөлөрдү жүргүзүү жана мамлекеттик органдар үчүн сунуштарды даярдоо.

Макулдашууну практикалык ишке ашыруунун алкагында тараптар биргелешкен иш-чаралар планын иштеп чыгышат, эксперттик жана консультативдик топторду түзө алышат, изилдөөлөрдү жүргүзүп, иш берүүчүлөр, кызматкерлер жана мамлекеттик органдар үчүн сунуштарды даярдай алышат.ЭИК Кыргызстандын кесиптик бирликтер федерациясы менен кызматташууну социалдык өнөктөштүктүн тең салмактуу системасын түзүүдөгү маанилүү кадам катары карайт. Кызматкерлердин жана иш берүүчүлөрдүн кызыкчылыктарын эске алуу эмгек мамилелерин жөнгө салууну өркүндөтүүгө, эмгек талаш-тартыштарынын алдын алууга жана Кыргызстандын туруктуу экономикалык өнүгүүсү үчүн шарттарды түзүүгө мүмкүндүк берет.