Гүлнара Шамшиева «Бай Түшүм» Банкынын Директорлор Кеңешинин Советниги кызматына өттү

23- октябрда Гүлнара Шамшиева «Бай Түшүм» Банкынын Директорлор Кеңешинин Советниги кызматына өттү. Ал «Бай Түшүм» Банкын 17 жылдан бери жетектеп келди. Бул мезгил аралыгында «Бай Түшүм» Гүлнара Шамшиеванын жетекчилиги алдында финансылык фонддон жана депозиттерди тартуу боюнча лицензиясы бар микрофинансылык компаниядан банктык толук лицензиясына ээ болгон универсалдуу Банкка чейинки өнүгүүнүн жолун басып өттү. «Бай Түшүм» бүгүнкү күндө банктык сектордо насыялык куржуну жана активдери боюнча 9-орунду, уставдык капиталы боюнча 10-орунду орунду ээлеп турат жана бүткүл өлкөбүз боюнча 105 миңден ашуун кардарларга финансылык тейлөөнүн толук спектерин сунуштап келүүдө.

Банктын Башкармалыгынын Төрайымынын милдетин аткаруучу болуп Нургүл Төрөбаева дайындалды. Нургүл Төрөбаева «Бай Түшүм» Банкында 12 жылдан бери эмгектенет, бул жылдардын 7 жылы аралыгында Банктын Башкармалыгынын Төрайымынын орун басары кызматында үзүрлүү иш алып барган. Ал казыналык, операциялык башкармалык, маалымат технологиялары башкармалыгы, методология башкармалыгы жана банктын коопсуздук кызматы тармактарын жетектеп келди. Банк ишинде жана микрофинансылоо тармагында 17 жылдан ашуун тажрыйбага ээ.

Кеңири маалыматты: (0312) 90-58-03 телефону боюнча алууга болот.

Евгения Шатунова

www.baitushum.kg